Azərbaycan, Bakı, 8 avqust /Trend/
Türkiyənin Baş naziri Rəcəb Tayyib Ərdoğan ilə ABŞ Prezidenti Barak Obama arasında telefon danışığı olub.
Trend "Anadolu" agentliyinə istinadən məlumat verir ki, söhbət zamanı Suriya və Misirdəki son vəziyyət müzakirə olunub.
Onlar Suriyada xarici ekstremistlərin fəaliyyətinin təhlükəli olduğunu və ölkədə vahid müxalifəti dəstəkləməyin zəruriliyini qeyd ediblər.
Misirdəki zorakılıqdan məyus olduqlarını ifadə edən hər iki lider demokratik addım atılması üçün birgə səy göstərməyin vacibliyini bildiriblər.