Azərbaycan, Bakı, 5 dekabr /Trend/
Azərbaycanın xarici işlər naziri Elmar Məmmədyarov ATƏT-in Nazirlər Şurasının 20-ci iclasında iştirak etmək üçün Ukraynaya səfəri çərçivəsində ATƏT-in Parlament Assambleyasının prezidenti Ranko Krivokapiçlə görüşüb.
Azərbaycan XİN-in mətbuat xidmətindən Trend-ə verilən məlumata görə, görüş əsnasında Azərbaycanla ATƏT PA arasında əməkdaşlıq və parlament diplomatiyasının əhəmiyyəti qeyd olunaraq, 2014-cü ilin iyun ayında ATƏT Parlament Assambleyasının illik sessiyasının Bakıda keçirilməsi və bundan irəli gələn məsələlər müzakirə edilib.