Azərbaycan, Bakı, 3 yanvar /Trend, müxbir R.Hafizoğlu/
Türkiyədəki korrupsiya qalmaqalı bu işdə adı hallanan "Xalq Bank"ın fəaliyyətinə təsir etməyib. Trend-in cümə günü "Sabah" qəzetinə istinadən verdiyi məlumata görə, bunu Türkiyənin energetika və təbii sərvətlər naziri Taner Yıldız deyib.
Nazirin sözlərinə görə, korrupsiya qalmaqalı ölkə iqtisadiyyatının zəiflədilməsinə yönəldilmişdi.
Qeyd edək ki, korrupsiya qalmaqalı çərçivəsində saxlanılanlar arasında "Xalq Bank"ın baş direktoru Süleyman Aslan da var.