Azərbaycan, Bakı, 20 yanvar /Trend, müxbir Elçin Mehdiyev/
Təbii ki, Azərbaycan hökuməti, dövləti ermənilərin girov götürdüyü Dilqəm Əsgərov və Şahbaz Quliyevin girovluqdan azad edilməsi üçün ciddi işlər görür. Trend-in məlumatına görə, bunu Yeni Azərbaycan Partiyası (YAP) sədrinin müavini - icra katibi, Baş nazirin müavini Əli Əhmədov jurnalistlərə deyib.
Ə.Əhmədov bildirib ki, girovlara qarşı qondarma "məhkəmə"nin qurulması bir daha sübut edir ki, Ermənistan hökuməti və o rejim nə qədər Azərbaycan xalqına düşmənçilik mövqeyində dayanır, nə qədər aqressiv mövqe tutur: "Bununla da özlərini bir daha beynəlxalq ictimaiyyət qarşısında bu cür biabırçı vəziyyətə salırlar. Nə qədər ki, girovlarımıza qarşı mövqelərini bu cür saxlayacaqlar, bir o qədər dünya qarşısında öz həqiqi mahiyyətlərini göstərəcəklər".
Qeyd edək ki, ermənilərin qurduğu qondarma "məhkəmə"də Kəlbəcərdə girov götürdükləri D.Əsgərov ömürlük, Ş.Quliyev isə 22 il müddətinə azadlıqdan məhrum edilib.
Əli Əhmədov: Azərbaycan hökuməti Dilqəm Əsgərov və Şahbaz Quliyevin girovluqdan azad edilməsi üçün ciddi işlər görür
Təbii ki, Azərbaycan hökuməti, dövləti ermənilərin girov götürdüyü Dilqəm Əsgərov və Şahbaz Quliyevin girovluqdan azad edilməsi üçün ciddi işlər görür.