Azərbaycan, Bakı, 6 may /Trend, müxbir Elçin Mehdiyev/
Müsavat Partiyasının daha bir üzvü, tarixçi alim Boran Əzizli partiya sıralarından istefa verib.
Trend-in məlumatına görə, B.Əzizli partiyanın digər tanınmış üzvü Vurğun Əyyubun partiyadan xaric olunmasına etiraz əlaməti olaraq belə qərara gəlib.
Qeyd edək ki, Vurğun Əyyub partiya sıralarından çıxarıldıqdan sonra partiya daxilində narazılıqlar daha da artıb. Artıq Müsavat Partiyasının tanınmış üzvləri Adil Qeybulla, İbrahim İbrahimli də partiyadan istefa verib.