...

MSK Pənah Hüseynin müraciəti ilə bağlı qərar verdi

Siyasət Materials 11 Noyabr 2015 16:36 (UTC +04:00)
Mərkəzi Seçki Komissiyasının (MSK) bugünkü iclasında Milli Məclisə noyabrın 1-də keçirilimiş seçkilərdə namizədliyi “Azadlıq-2015” siyasi bloku tərəfindən 63 saylı Sabirabad birinci seçki dairəsindən irəli sürülmüş Pəhan Hüseynin müraciətinə baxılıb.
MSK Pənah Hüseynin müraciəti ilə bağlı qərar verdi

Trend-i buradan izləyin

Azərbaycan, Bakı, 11 noyabr /Trend, müxbir Elçin Mehdiyev/

Mərkəzi Seçki Komissiyasının (MSK) bugünkü iclasında Milli Məclisə noyabrın 1-də keçirilimiş seçkilərdə namizədliyi "Azadlıq-2015" siyasi bloku tərəfindən 63 saylı Sabirabad birinci seçki dairəsindən irəli sürülmüş Pəhan Hüseynin müraciətinə baxılıb.

Trend-in məlumatına görə, MSK üzvü Bəxşeyiş Əsgərov iclasda bildirib ki, P.Hüseyn dairə seçki komissiyasının seçki protokolunun ləğv edilməsini, səsvermənin nəticələrinin yenidən hesablanmasını xahiş edib.

B.Əsgərov deyib ki, P.Hüseynin müraciəti ekspert qrupu tərəfindən araşdırılıb və namizəd özü də MSK-da araşdırma prosesində iştirak edib. O, qeyd edib ki, P.Hüseyn bugünkü iclasa da dəvət olunub, lakin iştirak etməyib.

Qeyd olunub ki, P.Hüseyn tərəfindən sübut kimi təqdim edilən video və audio materialların mənşəyi məlum olmadığından bunlar mötəbər sübut kimi qiymətləndirilməyib. P.Hüseyn tərəfindən təqdim edilən digər sübutlar da araşdırılıb.

B.Əsgərov bildirib ki, aparılan araşdırmalar nəticəsində 63 saylı Sabirabad birinci seçki dairəsi üzrə yalnız 13 saylı məntəqədə səslərin sayılmasında nöqsanlara yol verilib. Bu baxımdan B.Əsgərov 13 saylı seçki məntəqəsində səsvermənin nəticələrinin etibarsız hesab edilməsini təklif edib. Təklif səsə qoyulub və MSK üzvləri tərəfindən qəbul olunub.

Bildirilib ki, 13 saylı məntəqədə səsvermənin nəticələrinin etibarsız hesab edilməsi həmin dairə üzrə səsvermənin ümumi nəticələrinə təsir etmir.

Məqalədə:
Xəbər lenti

Xəbər lenti