...

Azərbaycanda yuvenal ədliyyə gündəmdə - Uşaqlarla bağlı yeni qanun gözlənilir

Siyasət Materials 5 Sentyabr 2017 21:42 (UTC +04:00)
Milli Məclisin payız sessiyasında "Yuvenal ədliyyə haqqında" qanun layihəsi müzakirəyə çıxarıla bilər.
Azərbaycanda yuvenal ədliyyə gündəmdə - Uşaqlarla bağlı yeni qanun gözlənilir

Bakı. Elçin Mehdiyev - Trend:

Milli Məclisin payız sessiyasında "Yuvenal ədliyyə haqqında" qanun layihəsi müzakirəyə çıxarıla bilər.

Bu barədə Trend-ə Milli Məclisin Hüquq siyasəti və dövlət quruculuğu komitəsinin üzvü Rövşən Rzayev deyib.

Onun sözlərinə görə, qanun layihəsi üzrə işlər davam etdirilir: "Sənəd hazırlanaraq müvafiq qurumlara təqdim olunub. Həmin qurumlar təkliflərini verdikdən və işlər tam yekunlaşdıqdan sonra layihə Milli Məclisin plenar iclasına tövsiyə olunacaq".

R.Rzayev bildirib ki, sənəd hazırlanarkən beynəlxalq təcrübə öyrənilib.

Qeyd edək ki, qanun lahiyəsinin hazırlanmasına bir neçə il əvvəl start verilib. Yuvenal ədliyyə uşaqlara və yetkinlik yaşına çatmayanlara verilən cəzaların liberallaşdırılmasını nəzərdə tutur.

Məqalədə:
Xəbər lenti

Xəbər lenti