Bakı. Trend:
Türkiyənin xarici işlər naziri Mövlud Çavuşoğlu Ankarada ATƏT-in Dağlıq Qarabağ münaqişəsinin nizamlanması üzrə Minsk qrupunun həmsədrləri ilə görüşüb.
Trend-in məlumatına görə, bu barədə Türkiyə XİN rəhbəri "Twitter" səhifəsində yazıb.
M.Çavuşoğlu qeyd edib: "Minsk qrupunun həmsədrləri İqor Popov, Stefan Viskonti, Endryu Şofer və ATƏT-in fəaliyyətdə olan sədrinin xüsusi nümayəndəsi Anjey Kaspşiki qəbul etdim və Türkiyənin Minsk qrupunun münaqişənin nizamlanması üzrə səylərini dəstəklədiyini bildirdim".