Bakı. Elçin Mehdiyev – Trend:
Azərbaycan dinlərarası dialoqa, İslam həmrəyliyinə böyük töhfə baxımından unikal ölkədir.
Trend-in məlumatına görə, bunu Dini Qurumlarla İş üzrə Dövlət Komitəsinin (DQİDK) sədri Mübariz Qurbanlı “Söz azadlığı və dini icmalar” mövzusunda konfransda deyib.
M.Qurbanlı qeyd edib ki, bu gün dünyada dindən sui-istifadə halları müşahidə olunur: "Dindən sui-istifadə edərək dünyanın ayrı-ayrı regionlarında radikal qruplar yaratmaqla faciələrə gətirib çıxaran hadisələr törədilir".
O bildirib ki, bu cür hadisələrin qarşısını almaq üçün dinlərarası dialoqa, İslam dünyasının daxilində həmrəyliyə böyük ehtiyac var: "Azərbaycan bu baxımdan nümunəvi ölkədir. Ölkəmizdə dövlət-din modeli mövcuddur".
Komitə sədri əlavə edib ki, Azərbaycan dinlərarası dialoqa, İslam həmrəyliyinə böyük töhfə verməkdədir.