Bakı. Ləman Zeynalova – Trend:
Avropa İttifaqı (Aİ) Ermənistan-Azərbaycan, Dağlıq Qarabağ münaqişəsinin dinc yolla həllinə öz töhfəsini verməlidir.
Trend-in məlumatına görə, bunu Aİ-Azərbaycan Parlament Əməkdaşlıq Komitəsinin həmsədri Cavanşir Feyziyev deyib.
O qeyd edib ki, bu münaqişə bütün regionun inkişafına maneə törədir:
“Avropa İttifaqı qitənin ən iri siyasi strukturu olaraq münaqişənin dinc yolla həllinə öz töhfəsini verməlidir. Azərbaycan Aİ-dən bu münaqişəyə beynəlxalq norma və prinsiplərə uyğun olaraq, Azərbaycanın ərazi bütövlüyü çərçivəsində şəffaf, ədalətli və düzgün yanaşma gözləyir”.