...

Deputat: Heç bir elektoratı olmayan radikal müxalifət xarici anti-Azərbaycan qüvvələrdən mədət umur

Siyasət Materials 2 Noyabr 2019 14:30
Müxalifət 2 noyabra təyin etdiyi mitinqi təxirə salıb. Hesab edirəm ki, bu qərarın qəbul edilməsinin əsas səbəbi onların xalq tərəfindən dəstək görməməsidir.
Deputat: Heç bir elektoratı olmayan radikal müxalifət xarici anti-Azərbaycan qüvvələrdən mədət umur

Trend-i buradan izləyin

Bakı. Elçin Mehdiyev – Trend:

Müxalifət 2 noyabra təyin etdiyi mitinqi təxirə salıb. Hesab edirəm ki, bu qərarın qəbul edilməsinin əsas səbəbi onların xalq tərəfindən dəstək görməməsidir.

Bunu Trend-ə Milli Məclisin Yeni Azərbaycan Partiyasından olan deputatı Sona Əliyeva deyib.

Deputatın sözlərinə görə, məlum məsələdir ki, radikal müxalifətin arxasında heç bir elektoratı yoxdur: “19 oktyabrda keçirilən mitinqə diqqət yetirək - Bakı Şəhər İcra Hakimiyyətinin təklif etdiyi yerdə deyil, məhz şəhərin mərkəzində qanunsuz mitinqə cəhdlər edildi. Onların xüsusi təşəbbüsü olmadan da ham bilir ki, 28 May metrostansiyasının ətrafında hər gün minlərlə adam olur. Hamı anlayır ki, radikal müxalifətin bu seçimi nəyə hesablanmışdı. Əsas məqsəd xaos görüntüsü yaratmaq və bunu xarici havadarlarına göstərmək idi. Təəssüf ki, ölkə daxilində heç bir elektoratı olmayan radikal müxalifət xarici anti-Azərbaycan qüvvələrdən mədət umur. Bu, "Milli Şura" adlı qurumun rəhbəri Cəmil Həsənlinin bu günlərdə ABŞ-da keçirdiyi görüşdəki çıxışında da sübut olundu. O, beynəlxalq təşkilatları Azərbaycana sanksiya tətbiq etməyə çağırmaqla radikal müxalifətin əsl antimilli üzünü göstərdi".

S.Əliyeva əlavə edib ki, həqiqət budur - Azərbaycan xalqı ölkə başçısı İlham Əliyevə alternativ tanımır. Prezidentin rəhbərliyi ilə ölkədə görülən işlər, aparılan islahatlar əhalinin rifahının yaxşılaşmasına hesablanıb.

Məqalədə:
Xəbər lenti

Xəbər lenti