...

Əfqanıstan Azərbaycana haqq işində həmişə dəstək verib - Səfir

Siyasət Materials 15 Yanvar 2021 16:52
Əfqanıstan Azərbaycana haqq işində həmişə dəstək verib - Səfir

Trend-i buradan izləyin

Bakı. Elçin Mehdiyev – Trend:

Əfqanıstan Azərbaycana haqq işində həmişə dəstək verib.

Trend-in məlumatına görə, bunu Əfqanıstanın Azərbaycandakı səfiri Amanullah Ceyhun Milli Məclisin Sədri Sahibə Qafarova ilə görüşdə deyib.

Səfir Azərbaycan parlamentində Əfqanıstanda səfirliyinin açılması ilə bağlı qəbul olunmuş qərarı Azərbaycan tərəfinin iki ölkə arasında dostluğa verdiyi yüksək dəyərin nümunəsi kimi qiymətləndirib.

Sonra qonaq Əfqanıstan parlamentinin fəaliyyəti barədə danışaraq, hər iki ölkənin qanunvericilik orqanları arasında əməkdaşlığın daha da dərinləşməsinin əhəmiyyətini qeyd edib. Diplomat deyib ki, bu əlaqələrin müxtəlif platformalarda daha da genişləndirilməsi qarşıya qoyulan məqsədlərə çatmaqda əhəmiyyətli rol oynaya bilər.

Görüşdə, həmcinin iki ölkənin parlamentlirində təmsil olunan qadın deputatlar arasında mütəmadi görüşlərin təşkili, qadın və uşaq hüquqlarının müdafiəsi, elm, təhsil, mədəniyyət, humanitar sahələrdə əməkdaşlığın dərinləşməsi və tərəfləri maraqlandıran digər məsələlər ətrafında fikir mübadiləsi aparılıb.

Məqalədə:
Xəbər lenti

Xəbər lenti