...

Yaxın gələcəkdə Azərbaycan-Qazaxıstan hökumətlərarası komissiyanın iclası gözlənilir - Ceyhun Bayramov

Siyasət Materials 21 İyun 2021 13:08 (UTC +04:00)
Yaxın gələcəkdə Azərbaycan-Qazaxıstan hökumətlərarası komissiyanın iclası gözlənilir - Ceyhun Bayramov

Bakı. Elçin Mehdiyev - Trend:

Yaxın gələcəkdə hökumətlərarası komissiyanın iclasının keçiriləcəyi gözlənilir.

Trend-in məlumatına görə, bunu xarici işlər naziri Ceyhun Bayramov Azərbaycanda rəsmi səfərdə olan Qazaxıstan Baş nazirinin müavini - xarici işlər naziri Muxtar Tleuberdi ilə birgə mətbuat konfransında deyib.

C.Bayramovun sözlərinə görə, hazırda Azərbaycala Qazaxıstan arasında dinamik inikişaf edən münasibətlər möhkəm əsaslar üzərində qurulub.

Nazir bildirib ki, yüksək səviyyəli səfərlərin xüsusi əhəmiyyəti var və bu baxımdan Qazaxıstan xarici işlər nazirinin səfəri bu münasibətlərin inkişafında mühüm rol oynayacaq.

C.Bayramov vurğulayıb ki, hazırda qarşıda duran əsas məsələ iqtisadi sahədə pandemiyadan əvvəlki göstəriciləri bərpa etməkdir: “Yaxın gələcəkdə hökumətlərarası komissiyanın iclasının keçiriləcəyi gözlənilir. Tranzit əlaqələrinin dərinləşdirilməsi və bu istiqamətdə qarşılıqlı addımların atılması görüş zamanı müzakirə edilib”.

Xəbər lenti

Xəbər lenti