...

Neft Fondunun builki büdcəsi dəyişdi - Fərman

Siyasət Materials 22 İyun 2023 15:25 (UTC +04:00)
Neft Fondunun builki büdcəsi dəyişdi - Fərman

Bakı. Trend:

Prezident İlham Əliyev “Dövlət Neft Fondunun 2023-cü il büdcəsi haqqında” 30 dekabr 2022-ci il tarixli fərmanında dəyişiklik edib.

Trend xəbər verir ki, bununla bağlı dövlət başçısı yeni fərman imzalayıb.

Fərmana əsasən, ARDNF-in büdcə gəlirləri ilə bağlı proqnoz 8 990,9 milyon manatdan 16 337,5 milyon manata, büdcə xərcləri ilə bağlı proqnoz isə 11 392,3 milyon manatdan 11 850 milyon manata çatdırılıb.

Son nəticədə Fondun büdcəsində gözlənilən 2 401,4 milyon manat kəsir 4 487,5 milyon manat qalıqla əvəz edilib.

Bu il ARDNF-dən dövlət büdcəsinə nəzərdə tutulan transfertin məbləği isə 11 280 milyon manatdan 11 737,7 milyon manata çatdırılıb.

Məqalədə:
Xəbər lenti

Xəbər lenti