Bakı. Trend:
Azərbaycanın böyük dostu, UNESCO-nun keçmiş baş direktoru Amadu Mahtar Mbou vəfat edib.
Trend bu barədə UNESCO üzrə Azərbaycan Respublikasının Milli Komissiyasına istinadən xəbər verir.
"UNESCO-nun baş direktoru (1974-1987) Amadou Mahtar Mbounun ölümündən çox kədərlənirik. Onun 1983-cü ildə Azərbaycana səfərini həyəcanla xatırlayırıq. O, ölkəmizin əsl dostu idi. Seneqal xalqına səmimi başsağlığı veririk", - Komissiyanın məlumatında deyilir.
Xatırladaq ki, Amadu Mahtar Mbou 1983-cü ildə Azərbaycanın ümummilli lideri Heydər əliyevin dəvəti ilə Bakıya səfər edib. Ulu öndər Heydər Əliyevin ona təqdim etdiyi Lətif Kərimovun Nizami obrazını əks etdirən xalçası hələ də UNESCO-nun qərargahında sərgilənir.
