Moskva. Trend:
Azərbaycan İkinci Dünya Müharibəsində qələbəyə böyük töhfə verdi.
Bunu Moskvada Trend-in sualını cavablandırarkən Xəzər Strateji Araşdırmalar İnstitutunun (Rusiya) baş direktoru İqor Korotçenko Azərbaycan jurnalistlərinə deyib.
“Azərbaycanda Böyük Vətən Müharibəsi veteranlarına, qəhrəmanlarına hörmət və ehtiram göstərilir. Sovet xalqının qələbəsinə Azərbaycan çox böyük töhfə verib. İlk növbədə, bu, təbii ki, neftdir, eləcə də Azərbaycan alimlərinin icad etdiyi “Molotov kokteyli”dir. Sovet ordusunun tərkibində olan yüz minlərlə azərbaycanlı əsgər və zabit Berlinə girib bütün mühüm hadisələrdə iştirak edib”, - deyə o bildirib.
İ.Korotçenko qeyd edib ki, qələbənin 80 illiyi Rusiyada geniş şəkildə qeyd olunacaq.
“Biz minnətdarıq ki, Azərbaycan bu anım tədbirlərini bölüşür, xatırlayır və iştirak edir. Prezident İlham Əliyevə təşəkkür edirik”, - deyə o bildirib.