Bakı. Trend:
Parisdə İkinci Dünya müharibəsi dövründə Fransanın azadlığı uğrunda savaşmış azərbaycanlıların xatirəsi anılıb.
Trend xəbər verir ki, Azərbaycanın Fransadakı səfiri Leyla Abdullayeva öz “X” səhifəsində anım mərasimindən videokadrları paylaşıb.
"Azərbaycan Silahlı Qüvvələri Günü ərəfəsində Triumf tağının altında II Dünya Müharibəsi zamanı Fransanın azadlığı uğrunda döyüşmüş azərbaycanlı partizanların xatirəsinə həsr olunmuş mərasim keçirilib. Bütün qəhrəmanlarımız qarşısında dərin ehtiramla baş əyirik", – deyə o yazıb.