Azərbaycan Milli İstiqlal Partiyası (AMİP) parlament seçkisində iştirak edəcək 90-dan çox namizədini müəyyənləşdirib. Bu barədə Trend ə partiyanın sədri Əli Əliyev məlumat verib.
Onun sözlərinə görə, bəzi seçki dairələri üzrə AMİP-in bir neçə namizədi var. Ona görə də partiyada namizədlərlə bağlı dəqiqləşmə aparılır. Əli Əliyev bildirib ki, AMİP-in namizədlər siyahısı dəqiqləşdikdən sonra "Yeni Siyasət" blokuna təqdim olunacaq.
Blokun vahid namizədlər siyahısının hazırlanmasına isə iyul ayının 25-dək yekun vurulması nəzərdə tutulub. Bundan sonra hər namizəd öz seçki dairəsinə müraciət edəcək və imza vərəqələrini götürəcək.
Əli Əliyev bildirib ki, öz namizədliyini 18 saylı Nərimanov-Nizami seçki dairəsindən irəli sürəcək.
...
