Parlament seçkilərində iştirak edən Milli Qeyri-Hökumət Təşkilatları Forumunun (MQF) prezidenti, "İctimai Liderlər" Birliyinin həmtəsisçisi Azay Quliyevin təbliğat kampaniyasına maneələr törədilir. Bu barədə Trend ə "İctimai Liderlər" Birliyindən məlumat verilib.
Bildirilib ki, namizədliyini 46 saylı Əli Bayramlı seçki dairəsindən irəli sürmüş A.Quliyevin təbliğat materiallarının yayılmasına yerli məmurlar əngəl olmağa çalışırlar.
"İctimai Lidlerlər" Birliyinin məlumatına görə, Əli Bayramlı şəhər İdman və Gənclər Şöbəsinin rəisi könüllü olaraq təbliğat kampaniyasında iştirak edən idmançılara təzyiqlər göstərərək onları A.Quliyevə dəstək verməkdən çəkindirməyə çalışır.
"İctimai Lidlerlər" Birliyi A.Quliyevin təbliğat kampaniyasına süni əngəllər yaradılmasını vəzifəli şəxslərin qanunsuz olaraq seçki prosesinə müdaxiləsi kimi qiymətləndirib və belə qanunsuz əməllərə son qoyulmasını tələb edib.