"Avropa Şurasının Cənubi Qafqaz üzrə xüsusi nümayəndəsi Heyki Talvitiyenin Bakıya səfəri zamanı noyabrda keçiriləcək parlament seçkilərinə hazırlıq məsələlərinin müzakirəyə çıxarılması planlaşdırılır". Bu barədə Trend ə sentyabrın 13-də Azərbaycanın xarici işlər nazirinin müavini Mahmud Məmmədquliyev bildirib.
"Bundan başqa, Dağlıq Qarabağ məsələsi də müzakirə oluna bilər. Digər problemlərin, xüsusilə, gələcək əməkdaşlıq məsələlərinin də ümumi formada müzakirəsi istisna edilmir", - deyə o qeyd edib.
Qeyd edək ki, H.Talvitiyenin Bakıya səfəri sentyabrın 12-də gecə başlayır. Rəsmi görüşlər isə növbəti günlərə təyin olunub.