"Azərbaycançı Qüvvələr (AQ) seçki bloku toplantılarını seçki gününə qədər təxirə salıb". Bu barədə Trend ə adıçəkilən seçki blokunun mətbuat xidmətinin rəhbəri Akif Heydərli bildirib.
A.Heydərli toplantıların təxirə salınmasını belə izah edib: "Seçki blokunun Sədrlər Şurasının üzvləri (İslam Partiyasının sədri Hacıağa Nuri, Birlik Partiyasının sədri Xudu Xudiyev, Milli Dirçəliş Partiyasının sədri Azər Qasımzadə və Vəhdət Partiyasının sədri Tahir Kərimli) seçki təbliğatı ilə məşğul olduqlarından toplantı keçirməyə vaxtımız qalmır. Həm də elə bir məsələ gündəmdə yoxdur ki, onu müzakirə etmək üçün hansısa toplantı keçirək".
Blokun rəsmisi onu da bildirib ki, digər bloklardan fərqli olaraq AQ seçki blokunun heç bir namizədi namizədliyini geri götürməyib. Bunun səbəbini A.Heydərli seçki bairlərəində namizədlərin üst-üstə düşməməsi ilə əlaqələndirib. AQ seçki blokunun "Yeni Siyasət" seçki bloku ilə məkdaşlıq məsələsinin isə artıq bir daha gündəmə gəlməyəcəyini qeyd edib.
