"Azərbaycan Naminə" seçki bloku əlavə seçkilər keçirildikdən sonra fəaliyyətini dayandıracaq". Bu barədə Trend ə adıçəkilən seçki blokunun mərkəzi seçki qərargahının rəhbəri Taleh Əliyev bildirib.
T.Əliyev qeyd edib ki, 6 noyabr parlament seçkilərindən sonra seçki blokunun yalnız bir dəfə toplantısı keçirilib: "Blokun rəhbəri ədliyyə generalı İlqar Qasımov hazırda Moskvada olduğundan toplantılar keçirilmir. Əlavə seçkilərə start verildikdən sonra seçki blokunun təsisçilərinin yığıncağı keçiriləcək".
T.Əliyev onu da bildirib ki, digər müxalifət partitya və bloklardan fərqli olaraq "Azərbaycan Naminə" seçki bloku əlavə seçkilərdə iştirak etmək qərarındadır: "Əlavə seçkilərdən sonra isə çox güman ki, fəaliyyətimizi dayandıracağıq", - deyə o qeyd edib.