"Azərbaycanda sahibkarlığın, regionların inkişafı, işsizliyin aradan qaldırılması, yoxsulluğun azaldılması ilə əlaqədar olaraq iqtisadi qanunvericilikdə müəyyən dəyişikliklər aparılacaq". Trend xəbər verir ki, bu barədə parlamentin iqtisadi siyasət daimi komissiyasının sədri, millət vəkili Ziyad Səmədzadə bildirib.
Z.Səmədzadə artıq bu məsələ ilə bağlı iqtisadi orqanlar və digər idarəetmə strukturlarında fikirlər olduğunu bildirib: "Biz həmin orqanlarla birgə əməkdaşlığımız nəticəsində Azərbaycanda iqtisadi inkişafın dinamikliyi, islahatların keyfiyyət baxımından artırılması istiqamətində məqsədimizə çatacağıq".