Qazaxıstanın baş naziri Danial Axmetov Azərbaycana rəsmi səfərə dəvət olunub. Qazaxıstanın Azərbaycandakı Müvəqqəti İşlər Müvəkkili İlham Zamanovun Trend ə verdiyi eksklyuziv məlumata görə, Qazaxıstan hökumətinin başçısına dəvətnaməni Azərbaycanın baş naziri Artur Rasizadə Qazaxıstan prezidenti Nursultan Nazarbayevin inauqurasiyası çərçivəsində keçirilən mərasim zamanı təqdim edib.
Diplomatın sözlərinə görə, bu, Qazaxıstanın baş nazirinin Azərbaycana ilk səfəri olacaq. Səfərə hazırlıq məsələləri diplomatik kanallar vasitəsilə nəzərdən keçiriləcək.