"Azad və Ədalətli Seçkilər Uğrunda" Əlaqələndirici Məşvərət Şurası mayın 13-də Milli Məclisə keçiriləcək təkrar seçkilərin müşahidəçiliyi və səslərin paralel hesablanmasını həyata keçirəcək. Bu barədə Trend ə Əlaqələndirici Məşvərət Şurasından məlumat verilib.
Şuranın iclasında 2006-cı il üçün iş planı müəyyənləşdirilib. Qərara alınıb ki, Qarabağ münaqişəsinin həlli, qanunvericilik təşəbbüsləri, büdcəyə və neft gəlirlərinin xərclənməsinə ictimai nəzarətin gücləndirilməsi və digər mühüm sahələrə dair işlər görülsün. Bundan başqa insan haqlarının müdafiəsi, siyasi məhbuslar problemi, məhkəmə qərarlarının icrasına nəzarət, qeyri-hökumət təşkilatlarının qeydiyyatı ilə bağlı yaranmış problemlərin həllinə yardım göstərilməsi də Şuranın 2006-cı il üçün iş planına daxil edilib. Həmçinin təkrar parlament seçkisinin müşahidəsinin aparılması, səslərin parelel sayılmasının təşkilili, Avropa Məhkəməsinə müraciət etmək istəyən sabiq deputatlığa namizədlərə hüquqi yardım göstərilməsi kimi layihələr də həyata keçiriləcək. Bu tədbirləri görmək məqsdilə Əlaqələndirici Məşvərət Şurasının işçi qrupu yaradılıb. İşçi qrupu prioritet sahələr üzrə iş planı hazırlayıb növbəti Şuranın növbəti toplantısında müzakirəyə təqdim edəcək.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
