Neftçala rayonunda köçəri quşlar arasında kütləvi ölüm halları baş verib. Xüsusilə rayonun Şirvan və Müşfiq kəndlərində bu hal daha çox müşahidə olunub. Trend in bölgə müxbirinin rayon baytarlıq idarəsinin rəisi Əbülfəz Məikovdan aldığı məlumata görə, son 20 gündə dəniz kənarında 40-dan çox qu quşunun tələf olduğu aşkarlanıb.Ölən quşların cəsədlərindən nümunələr götürülərək respublika baytarlıq laboratoriyasına göndərilib, qalan cəsədlər isə yandırılıb.
Ötən gün Respublika baytarlıq laboratoriyasından gələn analizlərin cavabında isə qu quşlarının Nyu kasal, yəni Taun xəstəliyindən öldüyü bildirilir. Baş verənlərlə əlaqədar, iki gündən bir dəniz kənarında reydlər keçirilərək aşkar edilmiş çöl quşlarının cəsədləri yerindəcə yandırılaraq basdırılır. Baş baytar onu da deyib ki, Dövlət baytarlıq xidmətindən profilaktik tədbirlər görmək məqsədilə rayona 1 ədəd çiləyici aparat, 20 dəst hihiyen forması, 155 kq dezinfeksiyaedici maddə gətirilib.
