Samux Ərazi Kənd Təsərrüfatı idarəsindən Trend in qərb bürosuna verilən məlumata görə, keçən il Yevlax, Samux, Goranboy, Xanlar və Daşkəsən rayonlarında cəmi 48022 hektar payızlıq dənli bitkilər (arpa, buğda) əkilib. İdarənin rəisi Sədrəddin Nəzərov bildirib ki, ötən illərlə müqayisədə bu göstərici bir qədər aşağı düşüb. Məsələn, 2004-cü ildə bu rəqəm 53 000 hektar təşkil edib. S.Nəzərov onu da əlavə edib ki, Azərbaycan Kənd Təsərrüfatı Nazirliyi qərb bölgəsinin bu rayonlarında payızlıq əkinin aşağı düşməməsi üçün göstəriş verib və xüsusi köməkliyin göstəriləcəyini bildirib.
...
