Polşa parlamentinin Yuxarı Palatasının - Senatın sədri Boqdan Boruseviç aprelin əvvəllərində Azərbaycana rəsmi səfər edəcək. B ubarədə Trend ə Polşanın Azərbaycandakı səfirliyinin müşaviri Voytsex Quretski məlumat verib.
Onun sözlərinə görə, hazırda qarşıdakı səfərin proqramı dəqtqləşdirilir. "Səfər proqramına Azərbaycan parlamentinin sədri Oqtay Əsədov və xarici işlər naziri Elmar Məmmədyarovla görüş daxildir. "Biz həm də onun prezident İlham Əliyev tərəfindən qəbul olunacağına da ümid edirik",- deyə diplomat bildirib.
Gözlənildiyinə görə, tərəflər parlamentlərarası münasibətlərin perspektivləri ilə yanaşı, eləcə də Azərbaycanla Polşa arasında siyasi, iqtisadi və humanitar məsələləri də müzakirə edəcəklər.
