Parlamentlərarası işçi qruplarının fəaliyyəti çox zəifdir. Bu barədə Trend ə Milli Məclisin sosial-siyasət daimi komissiyasının sədri, Azərbaycan-Yunanıstan parlamentlərarası işçi qrupunun rəhbəri Hadı Rəcəbli bildirib.
Qeyd edək ki, Milli Məclisin qərarına əsasən, 67 ölkənin parlamentləri ilə parlamentlərarası dostluq qrupları yaradılıb.
H.Rəcəbli qeyd edib ki, bu sahədə fəaliyyətin zəifliyi maliyyə çatışmazlığı ilə bağlıdır. Millət vəkili Yunansıtan dövlətinin parlament tipli olduğunu bildirib: "Belə idarə üsulu olan dövlətlərə və cəmiyyətə parlamentin təsiri böyükdür. Belə dövlətlərlə parlamentlararası əməkdaşlığa xüsusi diqqət yetirmək lazımdır".
Azərbaycan-Paksitan, Azərbaycan-Macarıstan parlamentlərarası dostluq qruplarının rəhbərləri Eldar İbrahimov və Xanhüseyn Kazımlı da müəyyən səbəblər üzündən bu sahədə lazımi səviyyədə işin aparılmadığını söyləyiblər. Ancaq bildiriblər ki, parlament rəhbərliyi tərəfindən bu sahə diqqət mərkəzində saxlandığından gələcəkdə fəaliyyətlərini genişləndirəcəklər.
