Bu gün Azəriqaz Qapalı Səhmdar Cəmiyyətinin sədri Ayxan Məlikov Tovuz rayonunun icra hakimiyyətinin zalında müşavirə keçirib. İclasda Qazax, Ağstafa, Şəmkir və Tovuz rayonlarının Qaz iDarələrinin rəisləri və digər işçiləri iştirak edib. Məlikov çıxışında bildirib ki, qaz pullarının yığımı respublika üzrə cəmi 16 faizdir. Tovuz rayonunda isə bu göstərici 30-35 faiz təşkil edir. Bunun isə heç də xoşagələn hal olmadığını deyən cəmiyyətin sədri onu da əlavə edib ki, bu il Tovuz raoynunu abonentlərinin təxminən 75 faiz hissəsi sayğacla təmin olunacaq. Bundan sonra əgər yığım yaxşılaşarsa, rayonun cəbhə bölgələrindəki kəndlərinə də qaz xətti çəkiləcək. Müşavirədə rayon Qaz idarələrin rəisləridə problemləri haqqında danışıblar. Qeyd edək ki, belə müşavirə sabah Gəncədə də keçiriləcək.
...
