Bu gün Azərbaycan Texnologiya Universitetində Gəncə şəhər Nizami bələdiyyəsi "Universitet bələdiyyələrlə birlikdə" mövzusunda seminar keçirib. Seminarda təhsil ocağının müəllim və tələbə kollektivi ilə yanaşı Nizami bələdiyyəsinin işçiləri də iştirak edib. Bələdiyyə sədri Faiq Əhmədov bələdiyyələrin iş stroukturu barədə məlumat verib. O, həmçinin bələdiyyənin indiyə kimi gördüyü işlərdən danışıb. Və xarici ölkələrin bələdiyyə praktikaları barədə tələbə və müəllimləri məlumatlandırıb.
Universitetin tələbə və müəllimləri suallarla Faiq Əhmədova müraciət ediblər.
Məlumat üçün bildirək ki, Texnologiya Universitetində 5 il bundan əvvələ bələdiyyə fakültəsi yaradılıb. Ötən il bu fakültənin 15 nəfər məzunu olub. Bu il fakültəni daha 15 nəfər bitirəcək. F.Əhmədov çıxışında onu da bildirib ki, Gəncədə bələdiyyə kadrlarına böyük ehtiyac var və o, universitetin bu addımını yüksək qiymətləndirib.
