Bu gün Uşaq Yaradıcılıq Mərkəzinin qarşısında Gəncə şəhər İcra hakimiyyəti aparatı ilə Mədəniyyət və Turizm idarəsi 1 iyun - Uşaqların müdafiəsi günü münasibəti ilə tədbir keçirilib. Tədbirdə şəhərdə fəaliyyət göstərən uşaq bağçalarında tərbiyə alan uşaqlar və orta məktəblərin şagirdləri iştirak edib.
İcra Hakimiyyəti apartının ictimai-siyasi şöbəsinin müdiri C.Rəhimov tədbirin rəsmi hissəsində bildirib ki, Gəncədə uşaqlara qayğı çox böyükdür. Və bundan sonra da bu məsələ daim diqqət mərkəzində olacaq. Rəhimov şəhər rəhbəri Eldar Əzizovun daim uşaqlarla maraqlandığını qeyd edərək bildirib ki, son vaxtlar şəhərdə uşaq hüquqlarının pozulması və uşaq əməyinin istismarı ilə bağlı faktlar şəhərdə xeyli azalıb. Rəsmi hissədən sonra uşaqlar üçün bayram tədbiri təşkil olunub. Müxtəlif rəqs qrupları məharətlərini göstəriblər. Bundan başqa Gəncənin gənc idmançıları da çıxış ediblər.