Dağlıq Qarabağ problemi Azərbaycanın ərazi bütövlüyü çərçivəsində həll edilməlidir. Trend xəbər verir ki, bu barədə ölkəmizdə səfərdə olan Polşa Seyminin Avropa İttifaqı məsələləri üzrə komissiyasının sədri Karol Karskinin başçılıq etdiy nümayəndə heyəti Milli Məclisdə Azərbaycan-Polşa parlamentlərarası dostluq qrupunun üzvləri ilə keçirdiyi görüşündə bildirib.
K.Karski Azərbaycanan iqtisadiyyatının dinamik şəkildə inkişaf etdiyini də bildirib. Qonaq parlamentlərarası əlaqlərin inkişafı məsələlərinə də toxunub.
Qeyd edək ki, görüşdə Azərbaycan-Polşa parlamentlərarası dostluq qrupunun üzvlərindən millət vəkilləri Sabir Hacıyev və Eldar Quliyev iştirak ediblər.