2006-cı ilin altı ayı ərzində Qərb Reqional Narkomaniya ilə mübarizə idarəsinin əməkdaşları tərəfindən 33 cinayət faktı qeydə alınıb. Bu barədə jurnalistlərə məlumatı QRNMİ-nin rəis müavini Rəfael İsmayılov verib.
Onun sözlərinə görə, cinayət faktlarının 14-ü satış zamanı, 16-sı narkotik maddələrin saxlanılması, 3-ü isə narkotik mənşəli bitkilərin əkilib-becərilməsi ilə bağlıdır. Rəis müavinin fikincə, bu müddətdə idarənin əməkdaşları tərəfindən 21 kq 825 qram narkotik maddə aşkarlanaraq götürülüb.
