Nehrəm kəndində Qarabağ müharibəsi əlili Həsən Həmzəyevə yeni mənzinlin açarı təqdim edilib. Bu münasibətlə keçirilmiş mərasimdə çıxış edən Naxçıvan MR Ali Məclisinin sədri Vasif Talıbov Azərbaycanın ərazi bütövlüyü uğrunda gedən döyüşlərdə əlil olmuş vətəndaşların hər zaman dövlət qayğısı ilə əhatə olunduğunu bildirib. Ali Məclisin sədri yeni mənzilin açarını Həsən Həmzəyevə təqidim edib, ona uzun ömür, yeni mənzildə xoşbəxt həyat arzulayıb.
Həmin gün Babək rayon baytarlıq idarəsinin də açılı olub. Burada çıxış edən NMR baş nazirin müavini , kənd təsərrüfatı naziri Məmməd Abbasov qeyd edib ki, Naxçıvan aqrar bölgə olduğu üçün burada kənd təsərrüfatı inkişaf etdirilir və bu sahənin maddi-texniki bazası dövlətin diqqəti nəticəsində möhkəmləndirilir. Ali Məclisin sədri Vasif Talıbov isə qeyd edib ki, Muxtar Respublikada baytarlıq xidmətinin, eləcə də kənd təsərrüfatının başqa sahələrinin inkişafına böyük diqqət yetirilir. O deyib ki, yeni binanın açılışı əlamətdar bir günə - ümumilli lider Heydər Əliyevin Moskvadan Naxçıvanna qayıtdığı günə təsadüf edir.
