Gəncə şəhər Səhiyyə İdarəsinin rəisi Mehman Rzayevin verdiyi məlumata görə, şəhər səhiyyə sistemində bir sıra islahatlar aparılır.
Onun sözlərinə görə, 2006-cı ildə Gəncədə 54 tibb işçisi müsabiqə yolu ilə işə qəbul olunub. Bunlardan 22-si həkim, 32-si isə orta tibb işçiləridir. Bundan başqa, 96 nəfər tibb işçisi Bakıda ixtisasartırma kurslarında iştirak edib. Mehman Rzayev bildirdi ki, bundan sonra da tibb işçilərinin işə qəbulu müsabiqə yolu ilə aparılacaq.