Regional seminarların keçirilməsində məqsəd - Layihə tərəfindən işlənib hazırlanmış Sosial yardım üzrə strateji sənədlə bağlı yerli əhalinin Sosial Müdafiə məsələlərinin işçi heyətinin münasibətini öyrənmək və Sosial Yardım və Yoxsulluğun azadılması məsələləri ilə bağlı fikir mübadiləsi aparmaq, təklifləri nəzərdən keçirməkdir.
Trend xəbər verir ki, Muxtar Respublikada seminar bir gün keçirilib. Seminarın səhər iclasında strateji sənədlə bağlı müzakirələr aparılıb və iştirakçıların fikir və rəyləri dinlənilib. Günorta iclasında kiçik qruplara bölünmüş iştirakçılar tərəfindən yoxsulluğun azaldılması ilə bağlı təcrübələr haqqında məsələlərə toxunulub. Seminar gününün sonunda isə işçi qrupunun müzakirələrinin nəticəsi bütün seminar iştirakçılarına hər qrupdan seçilmiş məruzəçi tərəfindən təqdim edilib.
Seminar iştirakçılarının sayı 20-30 nəfər olub. Regionu təmsil edən hər bir yerli sosial müdafiə mərkəzi özünün sosial yardım və yoxsulluğun azaldıması sektorlarında çalışan 2 nəfər işçini seminarda iştirak etmək üçün ayırıb. Məlumatı layihənin istiqamətləndirmə əlaqələr şöbəsinin müdiri Elnur Kələntərov verib.