Azərbaycan Təhsil Nazirliyinin dəvəti ilə Türkiyənin təhsil naziri Hüseyn Çəlik, bu ölkənin təhsil sisteminin nümayəndə heyəti və Qazi universitetinin rektoru oktyabrın 30-da Azərbaycana səfər edəcək.
Trend in Ankaradakı xüsusi müxbirinin məlumatına görə, səfər zamanı iki ölkə arasında təhsil sahəsində əməkdaşlığın genişləndirilməsi üzrə danışıqların aparılması, o cümlədən sənədlərin imzalanması nəzərdə tutulur. Bundan başqa, Qazi və Azərbaycan Tibb Universiteti arasında gələcək əməkdaşlıq haqqında müqavilənin imzalanması da gözlənilir.