Noyabr ayına olan məlumata görə Naxçıvan şəhərində 561 ailə ünvanlı sosial yardımla təmin olunub. Trend in Naxçıvan bürosu Naxçıvan Şəhər Əhalinin Sosial Müdafiəsi Mərkəzinə istinadən xəbər verir ki, indiyədək 1616 ailə ünvanlı sosial yardım almaq üçün mərkəzə yazılı müraciət edib.
Qeyd edək ki, may ayından bu günədək təyin olunmuş yardımın məbləği 19403 AZN olub.
Naxçıvan Şəhər Əhalinin Sosial Müdafiəsi Mərkəzindən bildiriblər ki, qanunvericiliyə əsasən aztəminatlı ailələrdə doğulan hər uşağa görə də ünvanlı sosial yardımdan əlavə olaraq bir il müddətində 10 AZN ödəniləcək. Naxçıvan şəhərində hələlik 20 ailədə bu cür əlavə ödəmə həyata keçirilir.
