Hər il Gəncədə fibromiyomiyadan (xoş xassıli şiş) əziyyət çəkən qadınların sayı 20 % artır. Bu haqda məlumatı Trendə Gəncə şəhər 3 saylı Mərkəzi Xəstəxanasının Ginekologiya şöbəsinin müdiri Məhəbbət Məmmədova verib. Onun sözlərinə görə? adı çəkilən xəstəlik əsasən kişilərin uzun müddət öz ailələrindən uzaqda yaşadığı ailələrdəki qadınlarda harmonal balansın pozulması səbəbindən baş verir. Həkim qeyd edir ki, Gəncədə bu xəstəliyin belə geniş yayılmasına səbəb əksər ailələrdə kişilərin qazanc dalınca Rusiyaya getməsidir.
Müsahib onu da əlavə etdi ki, abort, hamilələikdən süni qorunmaq üçün olan vasitələr, güclü soyuqdəymələr də fibromiyomiyanın əmələ gəlməsini sürətləndirir. "Fibromiyomiyalı xəstələrdə uşaqsalma riski çox yüksək olur. Hətta uşaqsalma olmasa da, dünyaya gələn körpələr şikəst olur. Xəstəlikdən yaxa qurtarmaq üçün uzun müddətli müalicə və cərrahiyyə üsulu tövsüyə olunur" - deyə şöbə müdiri bildirdi.
Gəncə şəhər Onkoloji dispanserinin baş həkimi Zikrət Hüseynovun verdiyi məlumata görə isə, xoş xassəli şişin bəd xassəliyə keçməsi mümkündür. Bu il dispanserdə 17 qadında bəd xassəli şişin olması qeydə alınıb. Hüseynov fibromiomiyaya 36 yaşını ötmüş qadınlarda daha çox rast gəlindiyini bildirdi.
