Azərbaycan prezidenti İlham Əliyev noyabrın 29-da hərbi təhsil müəssisələri müdavimlərinin müavinətlərinin artırılması haqqında sərəncam imzalayıb. Bu barədə Trend xəbər verir.
Sənədə əsasən, müavinətlər noyabrın 1-dən 70 manata qədər qaldırılıb. Müavinətləri H.Əliyev adına Ali hərbi məktəbin, Azərbaycanın Ali hərbi aviasiya məktəbinin, Azərbaycanın ali hərbi-dəniz məktəbinin, Azərbaycan tibb universitetinin hərbi-tibb fakültəsinin, Milli Təhlükəsizlik Nazirliyinin H.Əliyev adına Akademiyasının müdavimləri alacaq.
Bununla yanaşı 35 manat həcmində müavinətlər H.Əliyev adına Hərbi litseyin və C.Naxçıvanski adına Hərbi litseyin müdavimləri üçün təyin olunub.