Bakı şəhərində təşkil olunan yaramarkalarda Naxçıvanlı sahibkarlar fəal iştirak edib. Trend in Naxçıvan bürosu bu barədə Naxçıvan MR İqtisadi İnkişaf Nazirliyinin məlumatına istinadən xəbər verir.
Məlumatda o da qeyd olunur ki, paytaxtda təşkil olunan Kənd Təsərrüfatı Məhsullarının satış yarmarkalarında Naxçıvan MR-də fəaliyyət göslərən 10-dan atıq özəl müəssisənin məhsulları təqdim olunub. Bundan əlavə yarmarkalarda regionda yeni yaradılan müəssisələrin məhsulları da yeri alıb. Satış zamanı paytaxt alıcıları təbii qidalara daha çox üstünlük veriblər. Belə ki, satış prosesində paytaxt istehlakçılarının Naxçıvandan gətirilən quru meyvə növlərinə, eləcə də mineral sulara daha çox müraciət etdiyi müşahidə olunub.
Regionda istehsal olunan məhsulların iyun-dekabr aylarında Naxçıvan MR ərazisində baş tutan yarmarkalarda da yüksək satış tempi qeydə alınıb. Ümumiyyətlə isə, Naxçıvan şəhərində həftə sonları, rayon mərkəzlərində isə həftənin ilk günləri təşkil edilən və ötən həftə başa çatın yarmarkalarda kənd təsərrüfatı məhsulları yerli sakinlərə 30-40% ucuz təqdim olunub.
