Gəncənin nəqiliyyat şirkətlərində gündəlik plan əvvəlki səviyəsinə qaytarılıb bə bundan sonra artırılmayacaq. Bu barədə məlumatı Trendə Azərbaycan Respublikası Nəqiliyyat Nazirliyi Avtonəqiliyyat departamenti 1 saylı Regional Nəqiliyyat Məhdud Məsuliyyətli Cəmiyyətin rəis müavini Qadir Əliyev bildirib.
Müsahibin sözlərinə görə, yanacağın qiyməti artan zaman şəhərdə sərnişindaşınma ilə məşğul "Simurq", "Aygünəş" və "Azəravtonəqiliyyat" şirkətləri planı azda olsa artırmışdılar. Lakin bu şirkətlərə edilən xəbərdarlaqdan sonra plan əvvəlki səviyyəsinə enib.
"Tarif Şurasının qərarından sonra bəzi sahibkarlar süni olaraq marşrutlar taksilərdə təyin olunan planı da ikiqat artırmışdılar. Bu səbəbədən də bəzi sürücülərlə rəhbərlik arasında narazılıqlar olurdu. Nəticədə sürücülər xidmətdən yayınır, gediş haqqını qeyri-qanuni artırırdılar. Bu kimi neqativ hallara artıq son qoyulub. Marşurutlarda gediş haqqı 10 qəpik, sürücülərin gündəlik planları isə əvvəlki məbləğdə saxlanılıb" - deyə Q. Əliyev bildirdi.