Bərdə rayonunun Qılışdı və onun ətraf kəndlərində ev quşları arasında tələfat başlayıb. Kənd sakinlərinin sözlərinə görə, ev quşları arasında ölüm bir həftə bundan öncə başlayıb. Sakinlər bununla bağlı quşlar arasında vaksinləmə aparsalar da, heç bir xeyri yoxdur.
Kənd camaatı bildirir ki, artıq kənd baytarlıq idarəsinə müraciət ediblər. Oradan isə bildiriblər ki, quşların ölümünə səbəb çuma xəstəliyidir.
Məsələ ilə bağlı Bərdə rayon Baytarlıq İdarəsinin rəisi Aydın Məmmədov Trend in bölgə müxbirinə bildirib ki, rayonun bir neçə kəndində ev quşlarının ölümündən xəbərdardır. Rayon Baytarlıq İdarəsi bununla bağlı ciddi tədbirlər görür və ev quşları arasında pulsuz vaksinləmə aparılır.