125 gənclər təşkilatı dövlət qeydiyyatına alınıb
"Bu gün Azərbaycanda sırf gənclərlə məşğul olan 125 gənclər təşkilatı dövlət qeydiyyatına alınıb." Trend in məlumatına görə, bu barədə jurnalistlərə açıqlamasında gənclər aə idman nazirinin müavini İntiqam Babayev bildirib.
Onun fikrincə, bugünkü gəncliklə 10 il əvvəlki gənclər arasında böyük fərqlər var. Belə ki, bu sahədə böyük inkişaf müşahidə olunur.
"Adi elementar davranışdan tutmuş fəaliyyət istiqamətlərinin yeniləşmə və cəmiyyətdə çəkisinin artması baxımından fərqlər böyükdür. 2006-cı il dövlət gənclər siyasətində ilk növbədə bu istiqamətdə qəbul olunmuşdu. 2005-ci ildə Azərbaycan gəncliyinin inkişafına dair Dövlət Proqramı təsdiq olunub. Bu proqramdan irəli gələrək bir neçə istiqamət var. Birinci, gənclərimizin ictimai-siyasi proseslərdə fəal iştirakına şərait yaratmaqdır. 2006-cı il bizim üçün bu istiqamətdə bir neçə layihələrlə yadda qalıb", - deyə nazir müavini vurğulayıb.
