Azərbaycan, Bakı /müxbir Trend S.İlhamqızı/ADP-nin qurultayında partiyanın sədrliyinə namizəd Sərdar Cəlaloğlu olacaq. Bu barədə ADP-nin 9-cu qurultayına hazırlıq üzrə Təşkilat Komitəsinin sədr müavini Həsrət Rüstəmov açıqlama verib.
H.Rüstəmovun fikrincə, partiyaya rəhbərlik etmək üçün ən layiqli və real namizəd S.Cəlaloğludur. Eyni fikri partiyanın mətbuat xidmətinin rəhbəri Nurəddin İsmayılov da bildirib. N.İsmayılovun sözlərinə görə, qurultaydan bir neçə gün əvvəl S.Cəlaloğlunun namizədliyinin irəli sürülməsi üzrə təşəbbüs qrupu yaradılacaq. Sədrliyə alternativ namizədlərin olacağını istisna eməyən N.İsmayılov onu da deyib ki, əgər bu posta bir neçə nəfər iddia edərsə, sonda üstünlük S.Cəlaloğlunun tərəfində olacaq: "Çünki Sərdar Cəlaloğlu ADP-nin yaranmasında və sonrakı bütün dövrlərində ən mühüm rolu olan insandır".
ADP-nin 9-cu qurultayı mayın ikinci yarısında keçiriləcək.