Azərbaycan, Bakı / Trend , müxbir İ.Əlizadə/ Azərbaycan Avropa Şurası qarşısında "Alternativ hərbi xidmət haqqında" qanunun qəbul olunması ilə bağlı öhdəlik götürüb və ona görə də bu öhdəlik yerinə yetirilməlidir. Bu barədə çərşənbə axşamı Bakıda Azərbaycanın Avropa Şurası Parlament Assambleyasındakı nümayəndə heyətinin rəhbəri, Milli Məclisin Beynəlxalq münasibətlər və parlamentlərarası əlaqələr daimi komissiyasının sədri Səməd Seyidov bildirib.
"Ancaq hesab edirəm ki, heç kim bu öhdəliyin yerinə yetirilməməsinə görə problem yaratmayacaq. Çünki bütün dünya Azərbaycanın müharibə şəraitində olduğunu bilir. O cümlədən, Avropa Şurasında da məsələ ilə bağlı problemin yaranacağı real deyil", -deyə cənab Seyidov əlavə edib.
Onun sözlərinə görə, Milli Məclis "Alternativ hərbi xidmət haqqında" qanunu qəbul etsə belə, onun icrası Dağlıq Qarabağ münaqişəsi həll olunduqdan sonra mümkün olacaq.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
