Azərbaycan, Bakı /müx. Trend S.Ağayeva/ Bazar ertəsi Bakıda "Demokratiya və iqtisadi inkişaf uğrunda təşkilat-GUAM"ın müxtəlif nazirlik və idarə rəhbərlərinin iclasları öz işinə başlayıb.
Toplantılar iyunun 19-da Azərbaycan paytaxtında baş tutacaq GUAM dövlət başçılarının sammiti öncəsi keçirilir.
GUAM ölkələrinin əməkdaşlığı ilə bağlı sənəd və məsələlərin hazırlığı üçün ayrı-ayrı bölmələr üzrə nəqliyyat, energetika, təhsil, mədəniyyət, gənclər və idman nazirlikləri, habelə güc strukturları rəhbərlərinin iclasları keçirilir.
Bu gün həmsinin GUAM xarici işlər nazirləri Şurasının, habelə GUAM-ABŞ və GUAM-Yaponiya formatında görüşlərin keçirilməsi planlaşdırılır. Müzakirələr qapalı şəraitdə keçir.