Azərbaycan, Bakı/ Trend müxbir A.Bədəlova/ İyunun 30-da Mingəçevir mərkəzi stadionunda Azərbaycanda polis xidmətinin fəaliyyətinə həsr olunmuş tədbir keçiriləcək. Bu barədə məlumat ATƏT-in rəsmi saytında yerləşdirilib.
Tədbirin əsas mövzusu polis texnologiyası, ictimai nəzarət və cinayətkarlığın qarşısının alınması olacaq.
Tədbiri ATƏT-in Bakı ofisinin rəhbəri, səfir Xose-Luis Herero və daxili işlər nazirinin müavini Oruc Zalov açacaqlar. Tədbirə açıq səma altında konsertlə yekun vurulacaq.
ATƏT-in Bakı ofisi və Daxili İşlər Nazirliyinin birgə təşkil etdiyi tədbir ATƏT ofisinin polis departamentinə dəstək proqramının bir hissəsidir.
Proqramın vəzifəsi ölkənin polis qurumunun peşəkarlığını sübut etməkdir.