Azərbaycan, Bakı/ Trend , müxbir D.Xatınoğlu/ Atom energetikası üzrə beynəlxalq agentliyi (AEBA) heyətinin İrana növbəti səfəri nüvə obyektlərini görmək məqsədi daşımadığından, İranın sülh yönlü nüvə fəaliyyətlərini müsbət dəyərləndirmək olar. "İran agentliyə gizli nüvə fəaliyyət göstərən obyektlərin nəzarətinə icazə verməsə, təzyiqlər artacaq "- deyə, politoloq Əlirza Nourizadə bildirdi.
Avqustun 5-da agentliyin yeni heyəti İranın nüvə fəaliyyəti ilə əlaqədar Tehrana səfər edib. İLNA agentliyinin verdiyi məlumata əsasən, agentlik bu səfərdə İranın nüvə obyektlərini yenidən görmək məqsədini bildirməyib.
Londonda fəaliyyət göstərən İranlı politoloq Əlirza Nourizadə çərşənbə axşamı telefon əlaqəsi ilə Trend ə bildirib ki, çox təəssüf ki, Laricaninin Sarkoziyə İranın AEBA nümayəndələrilə daha sıx əməkdaşlıq göstərəcəyi barədə verdiyi sözlərə əməl olunmadı. Yəni İran rəsmilərindən birisi beynəlxalq təşkilatlara bir söz verir, başqası verildiyi sözü qulağının arxasına atır. İran imzaladığı protokolda söz verib ki, agentliyin istədiyi zaman nüvə obyektlərinin qapısını onlara açıq qoysun. Bu heç olmazsa agentliyin İranın nüvə proqramı prosesindən xəbərdar olmağı üçün faydalıdır. Heç olmazsa İranın agentlikdə qeyd olunmuş nüvə obyektləri nəzarətdə olur və bilinir ki, İran verdiyi öhdəliklərin əksinə gizli addılmlar atmır. Indiyədək bu baxımdam agentliyin İranla qurduğu münasibətlər bir o qədər də pis olmayıb. Problem ondadır ki, İranın bəzi nüvə fəaliyyəti göstərən obyektlərinə agentliyin nəzarəti yoxdur, yaxud hətta bəzisinin mövcud olduğundan heç xəbəri də yoxdur. Hər dəfə gizli nüvə obyektəri ifşa olunduqda agentliyin İrana qarşı şübhələri güclənir. Indiyədək agentlik İranın nüvə proqramlarından və İranla münasibətlərindən bir o qədər də ciddi naraziliq bildirməyib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
